Арсен Венгер кој е надвор од тренерската работа веќе извесен период, откако замина од Арсенал, наскоро веројатно се враќа на старата љубов.
Тој веќе имал неколку сериозни понуди да се врати во овој бизнис каде е со години и првите понуди дошле од Лион и ПСЖ, вклучувајки и понуда од Премиерлигата, од Фулам, но таа била пред извесен период пред Фулам да биде делегиран во понизок ранг.
Но понудите за Венгер биле во сосема друга варијанта, односно првично му било понудено да биде генерален директор, задолжен за нови трансфери и регрути или доколку замине тренерот Бруно Џенезио, тој да седне на тренерското столче.
Од друга страна и ПСЖ му понудиле едно од директорските места во клубот, па сега е на Венгер да одлучи кон кој правец сака да оди неговата кариера, дали како тренер или како еден од раководните лица на некој клуб.
