Чистењето на телото со ориз се прави еднаш годишно, и тоа најдобро е да биде напролет
Терапијата чистење на телото со ориз се користи за да се исфрлат од организмот наталожените соли, во случај на болести на урогениталниот систем. Помага за забрзување на метаболизмот, ги елиминира токсините од организмот, ја намалува тежината, а на телото му ја враќа енергијата.
Оваа терапија го намалува отекувањето на телото, ја олеснува работата на бубрезите и црниот дроб.
Прочистување на телото со ориз
Потребни се: 4 шолји кафеав ориз (иако може да ви послужи и бел ориз)
Постапка:
- Првото утро се сипуваат 2 лажици ориз во тегла, во која се става чиста, ладна вода (прво измијте го оризот). Поклопете го садот со крпа за да не се извалкаат оризот и водата. Ставете ја теглата на полица или покрај прозор.
- Вториот ден, исцедете го оризот, измијте го, па повторно сипете вода и оставете го да стои на полица. Ако ви е многу топло дома, мора да го миете оризот и два пати дневно, за да не се закисели. Потоа, во друга тегла, ставете две лажици ориз, па потопете го во ладна вода и оставете го до утредента.
- Третиот ден, измијте го оризот од првата и втората тегла, па земете и трета тегла и во неа ставете ориз (2 лажици) и вода.
- Четвртиот ден, измијте го оризот од трите тегли, па земете четврта тегла и во неа потопете 2 лажици ориз.
- Петтиот ден, измијте го оризот од првата тегла, па сварете го за појадок. А во нова тегла, ставете свеж ориз и сипете вода, па ставете го зад четвртата тегла.
Овој процес трае од 40 до 45 дена. Оризот се вари многу кратко за да добиете каша. Може да јадете и жив ориз, кој бил потопен во вода за време на цели четири дена.
