Прекрасна е слободата кога не мораш да ги оправдуваш сопствените постапки, да ги објаснуваш своите желби, да ги правдаш своите одлуки, туку едноставно на цел глас да кажеш: ДА, ТОА СУМ ЈАС!
Прекрасна е слободата кога не мораш да им објаснуваш на другите зошто твоите ставови не се како нивните и зошто не размислуваш како нив. Но, понекогаш, потребни се години додека да стигнеш до таа слобода, мора да пројде многу време што дури и ќе се чудиш што си правел сите тие години.
Прекрасна е слободата кога не мораш да се споредуваш со другите туку само кога ќе кажеш: Имам своја приказна и ја живеам, кога не мораш да се објаснуваш, туку само им велиш дека тоа е твој избор.
Прекрасна е слободата кога ќе бидеш искрен сам со себе во секое поле од животот, сфаќајжи дека не треба да се лажеш себеси за тоа што е важно, а што не е.
Прекрасна е слободата кога ќе надраснеш потребата да мислиш како другите, да зборуваш исто како другите и да се однесуваш како другите.
Прекрасна е слободата кога ќе станеш свесен за сегашноста сфаќајќи дека секој момент е подарок.
Прекрасна е слободата кога повторно ќе се сетиш на своите соништа и кога ќе сфатиш дека можеш да ги оствариш.
Прекрасна е слободата кога ќе почнеш да го споредуваш својот живот со она што си бил претходно и кога ќе сфатиш какви промени ти се случиле и колку уживаш во нив.
Тоа е прекрасна слобода и тоа им го посакувам на сите!
