Во салите за состаноци се воделе тајни разговори, а потоа сите присутни се опуштале со виски и цигара. Вилата имала куглана, сала за билјард, па дури и кино, а денес тој сјај на раскошното време исчезнал…
Денес девастираната Вила извор или Објект 99, како што ја нарекуваат жителите и луѓето од Националниот парк Плитвица, сместена е далеку од погледот на сите, во затскриен дел од паркот, и претставува само рушевина која што е спомен на некогашниот сјај.
Во времето на градењето на Вила извор, таа била најскапата претседателска резиденција. По Втората светска војна, ја граделе затвореници од Градишка, Митровица и Голи оток.
Се смета дека името ‘Објект 99’ го добила поради тоа што ја граделе 99 робијаши. Додека била во полна моќ, таму доаѓале многу политичари, пријатели и елитни гости кои што се дружеле или пак се состанувале со Тито.
Понекогаш оделе и на лов. Во салите за состаноци се воделе тајни разговори, а потоа сите присутни се опуштале со виски и цигара.
Доколку луѓето кои што биле присутни таму испиеле малку повеќе алкохол, тогаш имале можност да преспијат во луксузните апартмани кои што ги поседувала вилата.
Малкумина знаат и за подземниот тунел со должина од 80 метри кој што служел како таен излез.
Раскошот и сјајот се минато, а денес вилата е само еден напуштен простор кој што е спомен на едни добри времиња.
Погледнете го видеото:
