Синоќа по полноќ било пријавено дека на автопатот Св.Николе – Скопје, пред наплатната станица Миладиновци, се случил сообраќаен инцидент со фатални последици.
Како што информираат од МВР, автомобил „ауди“, со скопски регистарски ознаки, управуван од 58-годишник, запрел, по што возачот излегол од возилото.
Во еден момент автомобилиот се придвижил наназад и со задниот дел го притиснал човекот во банкината на патот, по што 58-годишникот починал на самото место.
Увид на местото извршила екипа од СВР Скопје.
