Педофил на велосипед вчера вознемирувал деца во близина на основно училиште во Бутел, дознава 24 Инфо.
Според очевидци, педофилот сред бел ден пред ОУ„Живко Брајковски“ им зборувал вулгарности на девојчињата, а некои и ги фаќал за задниците. Манијакот истото го правел и пред продавница во близина, но веднаш се оддалечувал со велосипедот.
Тој предизвикал вистинска паника кај децата кои се пожалиле на своите родители, како и на наставниците. За случајот била информирана и полицијата.
Од МВР потврдуваат дека непознато лице вознемирувало граѓани.
„Во Полициска станица Чаир е пријавено дека на улицата Хо Ши Мин машко лице со велосипед вознемирувало граѓани. Севкторот за внатрешни работи Скопје презема мерки за пронаоѓање на лицето и расчистување на случајот“, велат од МВР.
Педофилот бил снимен на безбедносните камери на околните објекти, а од снимките може да се забележи дека станува збор за помладо лице.
