Ова овошје упорно го чуваме во фрижидер, а не би смееле: Еве зошто

187

Чувањето лимони во фрижидер на прв поглед изгледа како добра идеја. На крајот на краиштата, ова често се препорачува бидејќи лимоните побрзо се расипуваат на собна температура, додека во фрижидер можат да траат околу три недели. Меѓутоа, складирањето на овој начин е пожелно само во одредени ситуации.

Имено, лимонот не сака ниски температури. Ова овошје спаѓа во групата на цитруси и зрее на температура од околу 30°C. Значи, ако незрелиот лимон се чува во фрижидер, ниските температури ќе го забават неговото созревање. Од друга страна, ако зрел лимон се стави во фрижидер, поради ниските температури тој ќе ја изгуби својата арома. А, тоа значи дека неговиот вкус, кога сакате да го користите за сокови, готвење или печење, значително ќе се намали. Следствено, за цели лимони нема место во фрижидер.

Сепак, истото не важи и за исечените лимони. Ваквите парчиња можете да ги чувате во фрижидер неколку дена, но задолжително на чинијата ставете ги со исечената страна надолу. На овој начин ќе го успорите нивното сушење. Идеално е да ги чувате во горниот дел од фрижидерот, каде што температурата е пониска. Секако, тоа ќе влијае на аромата, но тоа е помалото од двете зла, бидејќи отворен лимон надвор од фрижидер пребрзо би се расипал.

Затоа, најдобро би било лимоните да ги чувате на темно место како подрум или оставата, но внимавајте плодовите да не се допираат – на овој начин, во случај на оштетување или расипување, ќе го спречите ширењето на мувлата. Исто така, под овие цитрусни плодови можете да ставите весник, кој ќе ја впие влагата, а воедно ќе спречи создавање мувла.