Затворање на кината, театрите и другите институции каде што може да се одржат масовни собири или концерти, а кафе баровите и рестораните да работат до 18 часот, со преполовен капацитет за гости, се дел од надополнувањата на мерките за превенција од корона вирусот кои на денешната прес конференција ги објави министерот за здравство, Венко Филипче.
Како што кажа тој, мерките се на предлог од Комисијата за заразни болести, а ќе се разгледаат денеска на владина седница.
До мерките на владата ќе треба да се придржуваат и верските заедници, МПЦ, Католичката црква и ИВЗ, како и спортските сали и теретани.
