Голем број од високо квалификуваните експерти – научници, адмирали, некогаш работеле како физички работници.
Претседателот на Русија, Владимир Путин, раскажал дека во текот на 90-те години на минатиот век морал да работи како таксист.
Во инсертите од документарниот филм „Нова историја“ кои биле прикажани на телевизијата „Русија 24“, претседателот на Русија зборува за тешката економска ситуација во која Русија се наоѓала во последните децении од минатиот век.
Поради тоа, голем број на квалификувани експерти – научници, адмирали, работеле како физички работници.
„Некогаш морав да работам како таксист. Не ми е пријатно да зборувам за тоа, за жал. Но, и тоа се случи“, раскажал Путин.
Да ве потсетиме, тој во вториот документарен филм од 2018 година раскажа дека бил подготвен да работи и како таксист, кога ја напуштил градската администрација во Санкт Петербург, откако Анатолиј Собчак ги изгубил изборите за градоначалник.
