Леброн Џејмс стана играчот со најмногу плеј-оф победи во историјата на NBA. Тој дојде во бројката од 162 триумфи во разигрувањата и го надмина Дерек Фишер (кој зад своето име има 161 победа). Леброн со 36 поени ги предводеше Лос Анџелес Лејкерс до победата (112-102) за предност од 2-1 во полуфиналната серија од Западната конференција со Хјустон.
Четвртиот натпревар во серијата е по два дена. Покрај “кралот”, во победничкиот тим, одличен натпревар имаа и Ентони Дејвис со 26 постигнати поени како и Рејжон Рондо кој по враќањето од повредата е вистинско освежување за тимот. Постигна 21 поен и 9 асистенции а посебно значаен беше во последната четвртина кога се решаваше судбината на мечот. Кај Хјустон, тандемот Харден-Вестбрук беше на висина на задачата. Харден постигна 33, а Вестбрук 30 поени, но иако “ракетното дуо” имаше статистички импресивно издание, остатокот од тимот запостави и “ракетите” се во минус во серијата (прв до 4 победи).
NBA FAN
Димитар Младеновски
