Најскапото вино на светот во 2019 година не е ни италијанско, ниту француско, туку е вино од Унгарија, пишува италијанската “Република”.
Дваесет шишиња од литар и пол ја сочинуваат унгарската ексклузивна колекција на кралското токајско вино Ројал Токаи “Есенција” од Унгарија, а едно шише од оваа колекција изнесува 35.000 евра.
Hungarian winemakers Royal Tokaji say their #LimitedEdition Essencia 2008 decanter — world's most expensive #wine at $40,000 — is worth every cent. 🍷 https://t.co/ocDNmSSDI5
— Tarak H. Rindani (@TarakRindani) January 8, 2020
Ова слатко вино се произведува на североистокот од Унгарија, а истото е направено од бербата од 2008 година.
Шишињата се дизајн на уметникот Џејмс Каркас, а секое од тие 20 има тапа направена токму за нив во Португалија. Рокот на траење е до 2300 година, а досега се продадени 11 шишиња од таа колекција.
Цената ја одредуваат низа фактори, вклучувајќи ја и “благородната мувла” која е заслужна за уникатниот и неповторлив вкус на виното. За ова вино произведувачите велат дека не би можеле повторно да ја произведат неговата единствена арома.
