Поранешниот италијански шампион Милан е во очајна потрага по голгетер во јануарскиот преоден рок и никако не успева да најде решение за можеби најболната позиција во тимот.
Сепак, италијанските медиуми најавуваат крај на проблемите откако, наводно, во напредна фаза стигнале преговорите за фудбалерот на Саутемптон, Маноло Габијадини. За него „светците“ бараат 12 милиони евра што не е голема сума и трансферот може да се оствари наскоро.
Единствен проблем е финансискиот фер-плеј со којо се соочува Милан. Тој може да се надмине со позајмица на Габијадини, но Саутемптон засега не сака да слушне за такво сценарио.
