Светската ракометна федерација ИХФ денеска ги објави сатниците за натпреварите на Светското првенство што во јануари 2019 година ќе се игра во Германија и Данска. Со натпреварот меѓу Македонија и Јапонија што се игра на 11.јануари (петок) ќе стартуваат дуелите од групата Б. Македонската селекција дуелите од групата ќе ги игра во Минхен во Олимписката сала, а првиот дуел почнува во 15:30 часот.
По слободниот ден во сабота нашите ракометари во второто коло ќе играат против Бахреин во недела на 13.јануари со почеток во 14 часот. Следен противник во понеделник на 14.јануари е Хрватска, а овој дуел почнува во 18 часот. По следниот слободен ден Македонија во 4.коло ќе игра против европскиот првак Шпанија на 16.јануари (среда) со почеток во 20:30 часот, а во последното коло од групата ривал ни е Исланд на 17.јануари,а дуелот почнува во 18 часот.
