Во вчерашниот извештај од Министерството за здравство стои дека се направени 3114 тестирања, а регистрирани се 1161 нови случаи на ковид-19. Починати се 26 лица, седум од Скопје, а меѓу нив има и 30-годишна пациентка, која починала во болнички услови.
Директорот на болницата, д-р. Христијан Костов за Фактор вели дека 30-годишна пациентка од Скопје имала дополнителни коморбидитети, односно дијабетес и висок крвен притисок.
-Таа беше примена на 2.декември, со обилна пневмонија, и за жал по речиси 10-дневна борба почина, вели д-р. Костов.
