Иако како младинец кариерата ја градеше во македонските селекции, Дејан Кулушевски не го прифати повикот да настапи за нашата А селекција и го облече дресот на Шведска.
Новиот напаѓач на Јувентус важи за еден од најдобрите млади фудбалери во Серија А, а за шведските медиуми изјави дека воопшто не се двоумел при изборот да игра за Шведска.
„Сакав да играм за Шведска, одлуката беше лесна“, рече Кулушевски.
20-годишниот голгетер е роден во Стокхолм, а за Македонија настапуваше за селекцијата до 17 години.
Во минатата сезона Кулушевски беше еден од најдобрите фудбалери на Парма. За „млекарите“ одигра 26 натпревари во Серија А и постигна десет гола.
