Барнс предизвика бура и отвори огромна дебата, па се најде на удар на низата невладини организации кои со години се борат со кампањи против расизмот во фудбалот, а Англија многупати досега се жалеше на расистички испади против свои репрезентативци и фудбалери во свои клубови кои имаат темна кожа, а биле мета на навивачи, противнички играчи, управи…
„Па ние на луѓето им велиме да не викаат црнци! Таму беа пет-шест тренери и сите Турци, а еден треба да исклучите. И како на судијата ќе му објасните кого да исклучи, нормално судијата рече: ‘тој црниот’. А, што требаше да каже? Не разбирам зошто црн човек не може да го опишеш како црнец. Каков е тој расизам ако црнецот го наречете црнец?!“, објавил Барнс.
И потоа следела канонада од несогласувања, па навивачите по социјалните мрежи почнале да му пишуваат дека судијата требало да го именува по име – Пјер Вебо.
„Четвртиот судија мора на главниот да му каже на кого да му пријде. А, му објаснил многу едноставно – тој црниот! Работа на четвртиот судија е да го идентификува прекршителот, не да бара како се вика. Ние имаме посериозен проблем со расизмот и никој не сака тоа да го види. Во Англија се направи бура поради расистички испади во Црна Гора, а ние во Англија секоја недела слушаме расистички извици и никому ништо. За Црна Гора сите беа згрозени, а во Англија сите си свиркаат. Ние тука во Англија се правиме слепи и глуви дека нешто ни се случува“, додава Барнс.
