ЈСП со важна вест – еден автобус со изменета траса

691

Автобусот со број 28 на ЈСП од понеделник ќе сообраќа по изменета траса од досегашната, поради затворање на комплексот „Македонско село“.

-Се менува почетната станица, место од Транспортен центар, автобусот ќе тргнува од почетната станица на линија 4А (улица„Лондонска“). Крајна станица и понатаму ќе биде Горно Нерези („Македонско село“). На линијата ќе сообраќа и минибус, соопшти Јавното сообраќајно претпријатие „Скопје“.

Потсетуваме и дека од денеска, петок (19.10.2018 година), се укинуваат сезонските линии 58 (Транспортен центар-Јаболци, Нова Брезница) и 69 (Транспортен центар-Дивле, Катлановско блаце, Кожле), информираат од ЈСП- Скопје.

Посочените линии се сезонски и нивното функционирање е утврдено со Одлуката за линиски превоз на патници во Град Скопје.