ИМА НАДЕЖ: Откриен протеин кој помага при коронавирусот

254

Прелиминарните резултати од клиничкото испитување укажуваат дека нов третман на „Ковид-19“ драматично го намалува бројот на пациенти кои завршуваат на интензивна нега, објав и британската компанија која го разви третманот, јави Бибиси. (BBC)

Станува збор за фирмата Synairgen со седиште во Саутемптон која всушност при овој третман користи протеин наречен интерферон бета кој телото го произведува кога ќе добие вирусна инфекција.

Протеинот се вбризгува директно во белите дробови на пациенти со коронавирус, користејќи небулизатор.

Првичните сознанија укажуваат на тоа дека третманот ги намалува шансите кај пациентите со Ковид-19 во болница да развијат тешка форма на болеста или механичка вентилација за 79 отсто.

Пациентите имале два до три пати поголема веројатност да се опорават до тој степен што секојдневните активности не биле компромитирани од нивната болест, тврдат од компанијата.

Во извештајот се вели дека испитувањата покажале „многу значајни“ подобрувања на  „задржување на здивот“ кај пациентите кои го примиле третманот.

Покрај тоа, просечното време на пациентите поминато во болница се вели дека е намалено за една третина, на оние кои го примиле новиот лек – намалување од просек од девет дена на шест дена.

Испитувањето опфатило 101 волнтер кои биле во девет болници во Велика Британија. На половината им бил даван лекот, на другите им биле давани други лекови познати како пласебо односно лекови со неактивно дејство.