Американскиот актер Харисон Форд заедно со сопругата, Калиста Флокхарт и со синот Лијам одмора во Дубровник и синоќа е „фатен“ во туристичка прошетка на познатиот Страдун, пренесува Dubrovniknet.hr.
Иако и тој и неговата сопруга биле „камуфлирани“ со темни очила и маски на лицето, сепак минувачите го препознале славниот Индијана Џонс.
Харисон Форд ужива во одморот во Хрватска во паузата од професионалните ангажмани.
Воедно, тој и закрепнува од повредата на рамото што ја доби во текот на снимањето на петтото продолжение за авантуристот Индијана Џонс во Велика Британија.
