Возачот на Мерцедес, Луис Хамилтон призна дека не очекувал таков разочарувачки крај на сезоната за тимот на Ферари.
Британецот по трката одржана викендот, ја зголеми предноста пред Себастијан Фетел на 67 бода во генералниот поредок, што всушност гарантира шампионска титула.
-До средината на сезоната „Ферари“ беше многу добар. Во Монца, тие се уште беа конкурентни, а веќе во Сингапур тргна лошо за нив. Не очекував од нив да се предадат. Сепак, на последните две-три трки имаат голем пад. Не можам да сфатам што се случува во конкурентскиот табор. Сигурен сум дека Фетел ќе го објасни тоа подобро, изјави Хамилтон.
Во Генералниот пласман Хамилтон води со 331 бод, Фетел има 264, а вториот возач на Мерцедес, Валтери Ботас е трет со 207 бода.
