Станува збор за 47-годишен стручњак, кој има работено во екипите на Загреб, Мешков Брест и на Горење Велење. Како помошник тренер со репрезентацијата на Хрватска има освоено бронзани медали на Олимписките игри во Лондон 2012 год, Европското првенство во Србија 2012 год и Светското првенство во Шпанија 2013 год, а како предводник на „коцкестите“ дојде до бронзениот медал на Европското првенство во Полска во 2016 година го освои.
„Бабиќ е докажан ракометен стручњак, кој во нашиот проект влегува со голем ентузијам и желба за постигнување на врвни резултати и се разбира враќање на ракометните титули во најракометниот град – Битола“, велат од управата на Еурофарм Пелистер.
Новиот предводник на битолчани во македонската ракометна јавност најмногу е познат по неочекувано пролеаните солзи на прес-конференцијата по победата на неговиот тогашен клуб, Мешков Брест, како гостин против Металург, на чија клупа седеше неговиот сонародник и ментор, Лино Червар.
