Неминовен е трансферот на Ељиф Елмас во Наполи, а нов „доказ“ за тоа е последната објава на Инстаграм од страна на берберот на фудбалерот.
Тој сподели фотографија со младиот македонски талент и напиша: „Можеби последното бричење“. Многумина тоа го протолкуваа како најава за она што треба да се потврди во наредните неколку дена.
Таткото и агентот на Елмас се очекува денес да пристигнат во Италија и да ги договорат сите детали околу неговиот трансфер од Фенербахче.
Турскиот гигант ќе добие околу 15 милиони евра, а играчот за врска плата од еден милион евра по сезона, плус дополнителни бонуси.
