„Денес има две нови соопштенија на Агенцијата за лекови во Канада и Германија, во кои што се укажува дека АстраЗенека не се дава на лица под 60 години. Поради тоа ние вечерва разговаравме и заземавме став дека нема да ја даваме на лицата под таа возраст“, информира вечерва министерот за здравство, Венко Филипче во емисијата „Клик плус“.
Тој додаде дека ќе испратат писмо до ЕМА дали и каков став ќе заземат по однос на ова.
„Ќе ги примениме овие препораки, се додека не се потврди поинаку“, соопшти Филипче.
Денеска започнува масовната имунизација во земјава, со вакцините на АстраЗенека, кои во неделата пристигнаа преку Ковакс-системот.
