Започнаа предсезоната и подготвителните натпревари за NBA екипите.
Синоќа бевме сведоци на огромно изненадување. Ланскиот најдобропласиран тим во регуларниот дел од сезоната, Феникс Санс загуби на домашен терен од австралискиот Аделаид 36-ерс (134-124). Уште позачудувачки делува податокот што “сонцата” беа во полн состав а претрпеа пораз од седмопласираниот тим од земјата на “кенгурите”.
Ланската сезона, австралиските “сиксери” имаа скор од само 10 победи и 18 порази. Гостите погодија неверојатни 24 тројки со реализација од 55%, а беа предводени од американското дуо со NBA искуство, Крек Рендл кој постигна 35 поени и Роберт Френкс со 32 поени.
На 18-ти Октомври е официјалниот старт на новата NBA сезона.
NBA FAN
Димитар Младеновски
