Елиф Елмас повторно е топ тема на италијанската фудбалска сцена, благодарение на голот на „Сан Сиро“ со кој донесе голема победа за Наполи против Милан.
Македонскиот репрезентативец уште еднаш го направи клучниот потег за триумф на составот предводен од Лучијано Спалети, па очекувано заработува и комплименти од медиумите и фановите.
Капитенот на македонската репрезентација Стефан Ристовски откри еден интересен разговор со Елмас направен пред вчерашното дерби, а во истиот фудбалерот на Наполи искрено зборува за емоциите кои му ги предизвикува „Сан Сиро“ уште од периодот кога таму го гледал Горан Пандев.
Самиот Елмас подоцна го реобјави истиот разговор и на својот Инстаграм профил.
