Деновиве во Бејрут, Либан, се одржа изборот за убавина “World Next Top Model 2018” , а боите на Македонија ги претставуваа манекенките Симона Станковска од Скопје и Елена Петреска од Прилеп.
И двете убавици назад се вратија со освоени титули, Елена е Мис за Европа, додека, пак, Симона е петта придружничка. Изборот се одржа во големото студио на MTV Leabon во Бејрут, учество земаа 35 девојки од цел свет, а победничка е претставничката на Русија.
Инаку, нашите две мисици се членки на модното студио Црнокрак кое ја поседува и лиценцата за Македонија за овој интернационален избор за убавина и модели, а благодарение на освоените титули веќе потпишаа и договори за работа како модели во Либан и уште неколку држави.
