Бразилската актерка Џована Антонели, иако снимала речиси цела деценија претходно, стана голема ѕвезда дури по серијата “O Clone” (Клон) и за неа режисерите буквално се тепаа. Џована секоја година работела најмалку на еден проект.
Тоа траело сè до 2012 година кога познатата Жаде реши да се повлече од сцената и да му се посвети на семејството.
Со актерство започнала да се занимава на само 14 години. Нејзиниот татко е исто така актер, а мајка ѝ е танчерка. Убавата Антонели има и постар брат кој е адвокат. Во 1997 година, Џована се венчала за својата средношколска љубов, публицистот Рикардо Медина, но се развеле 4 години подоцна кога веќе се забавувала со колегата од “O Clone” – Мурило Бенисио.
Кон крајот на 2004 година, Џована завршила во болница поради сообраќајна несреќа за која ги обвинила папараците кои ја следеле, додека токму во текот на хоспитализацијата дознала дека е бремена.
Подоцна, актерката заедно со Мурило на прес конференција откриле дека чекаат бебе, а малечкиот Пјетро е роден во Рио де Жанеиро на 24 мај 2005 година.
Две години по раѓањето на Пјетро, Џована и Мурило сепак се разделиле.
Набрзо потоа, актерката се венчала по трет пат за режисерот Леонардо Ногеира, а нивните близначки – Антонија и Софија, се родени на 8 октомври 2010 година.
Џована во март наполни 43 години, веќе долго време се занимава со продукција и сè уште изгледа подеднакво добро како што многумина ја паметат.
