Уште еден руски репрезентативец, средниот бек Павел Атман е новиот играч на Вардар.
Ракометарот, кој за нас е добро познат од времето кога го носеше дресот на Металург, сега одново се враќа во Скопје, а со европскиот првак потпишал договор на две години.
Атман денеска стави крај на соработката со бундеслигашот Хановер, а Скопје и Вардар веќе во неколку наврати беа споменувани како опција за негово продолжување на кариерата, а официјалната потврда од „црвено-црните“ редови треба да стигне до крајот на неделава.
