Допрва ќе биде луд фудбалот на Балканот: Здравко Мамиќ купува – српски клуб?!

175

Најконтроверзниот човек во фудбалот на поранешните југословенски простори без дилема е Здравко Мамиќ, алфата и омега на Динамо Загреб и хрватскиот фудбал, кој веќе неколку години е во бегство во БиХ поради пресуди за корупција и криминал во фудбалот и популарниот „Мамињо“ е решен да влезе и во – српскиот фудбал.

Неодамна Мамиќ објави дека претсетаделот човек на Србија, Александар Вучиќ му рекол дека посакува да го види дури и во Црвена Звезда, а според српските медиуми и тоа во хитот на ланската сезона и српски европретставник ТСЦ од Бачка Топола.

ТСЦ е клуб кој е финансиран од унгарски бизнисмени, зад кои стои премиерот на Унгарија, Виктор Орбан и кој брзо изгради фантастичен камп и стадион, а е веднаш зад двата најголеми клубови во Србија, Ц. Звезда и Партизан. Сега, наводно, Мамиќ ќе влезе во клубот како признат, познат и докажан фудбалски работник, кој би можел да го крене клубот неколку скалила нагоре и практично да го донесе во ситуација да се бори и за шампионската титула покрај неприкосновените белградски гиганти.

Мамиќ, иако е во бегство во Херцеговина поради неправосилната судска пресуда за шест ипол години затвор, тој и понатаму е главен во Динамо, а „модрите“ само летово заработија 41 милион евра од трансфери на свои играчи, а стигнаа до нова групна фаза во Лига Европа.