Откако излезе трејлерот за новиот документарен филм за животот на актерот Вал Килмер, неговите обожаватели му пружија поддршка поради неговата потресна приказна која сега ја сподели со јавноста.
Во трејлерот е прикажано како Килмер – ѕвездата на „Heat“, „Top Gun“ и „Batman Forever“, зборува со помош на вокално помагало.
На Килмер во 2015 година му беше дијагностициран рак на грлото, што актерот на почетокот го криеше од јавноста. На Вал му била извршена трахеотомија, што влијаело на неговата способност за говор, односно сега може да зборува само со помош на вокален апарат.
Поголемиот дел од документарецот е сочинет од кадри кои Килмер сам ги снимил во текот на животот. Остварувањето режирано од страна на Лео Скот и Тинг Пу ќе ја има својата премиера на Канскиот филмски фестивал.
It feels like yesterday and yet it has been a lifetime. As I write this, my documentary is getting ready to premiere at Festival De Cannes. And as grateful as I am for being selected with this high honor, I look forward most to sharing my life's story with all of you.
— Val Kilmer (@valkilmer) July 6, 2021
Трејлерот предизвика силни емоции кај фановите на Килмер.
„Го погледнав трејлерот и сакав да ти испратам многу љубов и добри вибрации. Продолжи да ги споделуваш со нас твојот глас, страдање и болка. Преку нив ги инспирираш другите да го направат истото“, гласи еден од коментарите.
