Докторот Мајкл Сан и неговата вереница, исто така докторка, Шелун Тсаи, морале да ја откажат долгопланираната венчавка поради пандемијата на коронаврусот.
Сепак, одлучиле да одржат мала церемонија во болницата во која двајцата работат. Ставиле маски, импровизиран вел, а на болничка количка ставиле натпис „Штотуку венчани“. Единствени гости на венчавката биле колегите, а семејството и пријателите сето тоа го следеле преку видеоповик.
Шелун рекла дека таа и Мајкл се вериле во 2016-та година, а големата венчавка требало да се одржи во Северна Каролина во неделата.
2 @dukesom residents had a @zoom_us wedding at @DukeHospital Birthing Center today! The ceremony commemorated what would have been their big day in NYC. Fam & friends virtually watched @dukeobgyn resident Shelun Tsai exchange vows w/ @DukePsychiatry resident Michael Sun 🎉 🎊 💕 pic.twitter.com/p8RKwBXBWA
— Duke OB/GYN (@dukeobgyn) April 11, 2020
„Колегите знаеја дека ја откажавме венчавката и кога дојдовме на работа во неделата, им открив дека планираниот датум беше токму тој, 11-ти април. Одеднаш сите се собраа, ми направија вел, па цвеќе и секој се обидуваше на некој начин да допринесе со нешто. Подготовките започнаа во 8 часот наутро, па после нега на пациентите ја подготвуваа венчавката“, открила Шелун за „Good Morning America“.
Колегите дури им подготвиле и импровизиран свадбен апартман, а една медицинска сестра ја водела службата. Преку видеоповик церемонијата ја следеле 12 членови на семејството и пријателите.
„Беше апсолутно неверојатно. Секојдневно се грижиме за пациентите и драго ми е што колегите покажаа дека и тоа како се грижиме едни за други. Тие се моето семејство. Беше навистина емотивно“, заклучила Шелун.
Парот планира законски да стапи во брак во ноември.
