Хрватскиот Динамо тотално го надигра турскиот Фенербахче на теренот на „Максимир“, го понижи совладувајќи го со 4-1, но во второто полувреме видовме немили сцени во кои ќе настрадаше македонскиот репрезентативец Елиф Елмас.
По еден дуел на нашиот фудбалер со Стојановиќ, кој направи преостар старт, Елмас жестоко реагираше, но веднаш му се пушти целата екипа на хрватскиот клуб. Најжесток во реакцијата беше Емир Дилавер, кој речиси и да сакаше да се тепа со нашиот најголем фудбалски талент. Елиф не се повлече, напротив, држеше до себе, а само присебноста на останатите фудбалери не дозволи инцидентот да ескалира во нешто посериозно.
