Германскиот производител го претстави својот нов купе-кросовер кој ќе биде наменет за кинескиот пазар.
Првите официјални фотографии од Volkswagen Tiguan X пристигнаа од Кина, а на нив се гледа најскапата R Line верзија.
Автомобилот е заснован на стандардниот Tiguan, а ознаката Х значи дека новиот модел добива покрив кој постепено се спушта кон завршетокот на каросеријата, што е типично за сите купе-кросовери.
На фотографиите е претставена најскапата верзија на Tiguan X со 2.0 TSI мотор кој развива 220 коњски сили и 380 Nm максимален обртен момент.
Силата се пренесува на сите четири тркала со помош на 7-степенскиот DSG менувач со двојно квачило и 4Motion системот на Volkswagen. Покрај него, на располагање е и 2.0 TSI со 186 коњски сили и 330 Nm максимален обртен момент.
Volkswagen Tiguan X е развиен во Кина во заедничката кинеско-германска компанија SAIC-VW. Во продажните салони во оваа земја ќе пристигне до крајот на оваа година, а овој прекрасен модел за жал најверојатно ќе остане само кинеска ексклузива.
