Агенцијата за национална безбедност и натаму има пристап до уредите за прислушкување, што е спротивно на Законот и на препораките од Прибе.
Министерот за внатрешни работи Наќе Чулев на денешната прес конференција објави дека во поранешната Управа за безбедност и контраразузнавање, а по реформите АНБ, се уште постои техничка можност за следење на електронските комуникации што претставува кршење на Законот.
Чулев не тврди дека во Агенцијата се врши незаконско прислушкување, но ги обвини поранешното раководство на МВР дека не направиле ништо да ги спроведат безбедносните реформи. Го повика Јавното обвинителство по допрен глас да постапува по овој случај и да се утврди дали АНБ и натаму го држи монополот за следење на електронските комуникации.
