Изминатиот викенд во Њујорк бил првиот викенд во кој не биле забележани пукотници и убиства во последните 25 години, соопшти њујоршката полиција.
„Имавме петок, сабота и недела без пукање и убиства“, се пофали Џејмс О’Нил, првиот човек на њујоршката полиција пред американските новинари.
„Тоа се случува за прв пат после децении и на тоа треба да бидат горди сите Њујорчани, а не само њујоршките полицајци“, додаде шефот на њујоршката полиција.
New York went an entire weekend without a shooting or homicide for the first time in 25 years https://t.co/UwSl9NOI9V pic.twitter.com/L8dIvRTwKn
— Analytics News (@analyticsprnews) October 16, 2018
Последниот викенд во кој што не било забележано слично такво насилство во Њујорк бил во далечната 1993-та година.
Инаку, според податоците на њујоршките власти, во Њујорк минатата година се случиле 292 убиства, што е во секој случај намалување, на пример во однос на претходната 2016-та година кога биле регистрирани 334 убиства.
