Многумина беа разочарани од одлуката Лука Дончиќ да не се најде меѓу играчите кои ќе настапат на Ол-Стар натпреварот во Шарлот.
Словенечкиот кошаркар, кој игра неверојатна „руки“ сезона во НБА лигата, беше втор меѓу бековите на Западната конференција според гласовите нанавивачите, но благодарение на гласовите на играчите и новинарите испадна од стартната петорка. По ова, тренерите не го избраа меѓу седумте резерви.
Меѓутоа, Ол-Стар центарот Ентони Дејвис синоќа се повреди на натпреварот меѓу Њу Орлеанс и Оклахома и веројатно ќе го пропушти натпреварот кој се игра в недела. Дончиќ на Ол-Старот ќе настапи во натпреварот за вештини, а сега би можел да се најде и на главниот натпревар како замена а Дејвис. Негов најголем конкурент за местото, според американските медиуми, е Дерик Роуз.
Дончиќ во првата сезона во НБА постигнува 20.7 поени, 7.2 скока и 5.6 асистенции по натпревар.
