Несекојдневна сцена на една популарна плажа во Улцин вчера покажала дека симболите на некогашната голема заедничка држава не се заборавени.
Во весела атмосфера, луѓето се опуштале во ритамот на салса со оглед на тоа дека биле „Кубански денови“, но како по наредба во еден момент сите гости станале на нозе.
Тоа го направиле уште на првите тактови на некогашната химна на СФРЈ „Хеј Словени“.
Посебно интересно е тоа што, како што се гледа на снимката, не станува збор само за повозрасните гости на плажата.
Меѓу оние кои со почит станале на некогашната химна имало и млади гости кои најверојатно химната од некогашната СФРЈ ја знаат само преку приказните на повозрасните луѓе.
