Познатото скијачко одморалиште „Big Wood“ се наоѓа на самиот север на Русија, на планината Кибини во регионот Мурманск.
Иако Русија не може да се пофали со пространи плажи и луди забави на крајбрежјето, Русите пронашле начин да го надополнат тоа задоволство и да ги покажат своите извајани тела.
Имено, таму секоја пролет се одржува ‘бизарно’ бикини скијање. „Big Wood“, едно од најпознатите руски скијалишта е домаќин на необичен фестивал под името „Khibiny Bikini“, кој го одбележува крајот на зимската сезона.
На почетокот на мај, многу храбри љубители на скијањето и забавувањето се разголуваат, па своите скијачки костими ги заменуваат со костими за капење.
Во тоа не можат да ги предомислат дури ниту температурите кои често паѓаат под нулата.
„Не нѝ е ладно, имаме вотка“, тврдат скијачите.
За жешката атмосфера допринесуваат и многу диџеи, кои за време на фестивалот се менуваат на сцената. Самиот фестивал завршува со спектакуларен огномет.
