Тешка сообраќајна несреќа се случи вчера на магистралниот пат Струмица – Радовиш, а во која повредени се петмина луѓе од Струмица, соопшти МВР.
Несреќата се случила кога автомобил „пежо“, управуван од 16-годишник од Струмица, излетал од патот.
Во незгодата сопатниците А.О.(20) и 13-годишен малолетник, двајцата од Струмица, се здобиле со тешки телесни повреди, додека возачот и уште двајца малолетни сопатници, на возраст од 14 и 15 години, двајцата од Струмица, се здобиле со телесни повреди.
Тие биле пренесени во Клинички центар Штип за укажување лекарска помош. Увид на местото на настанот извршила екипа од Полициската станица Радовиш.
