Половина од македонските граѓани изјавиле дека би се вакцинирале, додека 34 проценти од нив одговориле дека не би се вакцинирале. 16 проценти одговориле дека се двоумат.
Прашањата за вакцинацијата биле дел од теренската анкета за гледиштата на граѓаните за работата на Собранието, која од „Социетас Цивилис” била спроведувана од 17 февруари до 10 март оваа година.
Половина од македонските граѓани изјавиле дека би се вакцинирале, додека 34 проценти од нив одговориле дека не би се вакцинирале. 16 проценти одговориле дека се двоумат.
Најголем дел од граѓаните, 39 проценти, рекле дека ја преферираат американско-германската вакцина “Pfizer/BioNTech”, додека по неа доаѓа руската вакцина “Sputnik V” со 21 процент.
Помал интерес има за вакцините “Sinofarm” и “Moderna”, додека за најзастапената вакцина во нашата држава, “AstraZeneca”, се определиле само 3 проценти од испитаниците.
27 проценти не знаат која вакцина сакаат да ја примат.
Проектот е финансиран од Швајцарската амбасада и се спроведува од страна на Националниот демократски институт, Институтот за демократија „Социетас Цивилис” – Скопје и Центарот за управување со промени.
Резултатите од целосната теренска анкета за перцепциите на граѓаните за работата на Собранието на Македонија можете да ги погледнете тука.
