АМС го награди „златното момче“ Алили со еден милион денари!

43

Младиот борец Бесар Алили освои златен медал на кадетското Европско првенство во Фиренца во категорија до 48 кг (слободен стил), па вчера беше пречекан на плоштадот „Скендербег“ во Скопје, а денеска доби награда од Агенцијата за млади и спорт (АМС).

Директорот на АМС, Дарко Каевски објави дека агенцијата го наградила Алили со еден милион денари.

„Во мое име и во името на Агенцијата за млади и спорт имав чест да му честитам на златното момче Бесир Алили кој ни се врати со златен медал од Европското Првенство за кадети во Фиренца, Италија.

Драго ми е што Бесир е дел од програмата при АМС за млади спортски надежи која што секојдневно стручно ги следи 30 тина индивидуални спортисти од Олимписките спортови и ги поддржува да партиципираат на големи натпреварувања како ова Европско првенство.

Бесир за овој голем подвиг ќе биде награден еднократн од страна на Агенцијата за млади и спорт со 1 милион денари.

Во наредниот период, очекувам нашиот Бесир да тренира напорно, и да ги слуша советите на неговиот тренер и со максимална посветеност еден ден да ги наследи големите имиња кои претставувале основа и придонеле во развојот на борењето во нашата држава“, напиша Каевски на Фејсбук.



loading...