Европската комисија, во името на ЕУ во срадата издвои 90 милиони евра за Албанија, во рамки на својата програма за макро-финансиска помош (MJP), поврзана со Covid-19, пренесе телевизијата Top-channel.
Според истиот извор Албанија е осма земја која е опфатена со пакетот за итни случаи на програмата три милијарди евра за десет партнери за проширување и соседство, што има цел да им помогне да ги ублажат економските последици од пандемијата со коронавирусот.
Средствата ќе придонесат за ублажување на тешките социо-економски последици од пандемијата во Албанија.
„Овој вирус не познава граници: ЕУ стои покрај Албанија и нејзините граѓани во овие тешки моменти. Денешната трансакција следи по одобрување на меморандумот за разбирање со Албанија, во кој се утврдени условите за политика што треба да се исполнат за исплата на втората транша од 90 милиони евра. Овие услови се особено важни за подобрување на управувањето или зголемување на социјалната заштита“, напиша на Twitter, Луиџи Сореца амбасадор на ЕУ во Тирана.
Евро-дипломатот оценува дека дека оваа програма е „силна и конкретна демонстрација на солидарност на ЕУ кон Албанија и албанските граѓани во време на оваа криза без преседан“.
