Ако некое место е право место за заљубен пар, особено за обновена љубов, тоа сигурно е Венеција!
Можеби за некого е кич, но сцената од Џенифер Лопез и Бен Афлек во гондола во Венеција, како пристигнуваат на Филмскиот фестивал – го обиколи светот.
Џенифер Лопез за оваа прилика облекла прекрасна женствена тоалета со чипка, интересни сандали и, како и обично, не ги тргнала очилата за сонце кои на нејзината појава само ѝ додале гламур.
Како ви се допаѓа ова нејзино издание?
Инаку, откако во мај ја обновија старата љубов, Бен и Џенифер се неразделни – своето слободно време го поминуваат заедно, сами или со децата.
Многумина се сомневаа дека нивната обновена романса ќе трае и чекаа парот да ја потврди врската на социјалните мрежи.
Кога го направија тоа, почнаа нагаѓања за веридбата и венчавката, бидејќи во нивната љубов повеќе никој не се сомнева.
И нејзиниот роденден во јули го прославиле со крстарење со јахта, а сè почесто се појавуваат и фотографии како парот страстно се бакнува во јавност.
