Голем пожар избувна во основното училиште „Родинг“ во источен Лондон. Лондонската противпожарна бригада соопшти дека се испратени 12 возила со 80 пожарникари кои се обидуваат да стават крај на огнената стихија што буквално го проголта училиштето.
Засега според властите нема информации за повредени или загинати во пожарот.
Според основното училиште „Родинг“, станува збор за едно од најголемите основни училишта во земјата.
Пожарот досега уништи половина од зградата, а причината засега сè уште е непозната. Учениците во училиштето требаше да се вратат на 5 септември по завршувањето на летните одмори.
