Италија и фудбалот на „чизмата“ ноќва ги потресе трагична вест. Во сообраќајна несреќа загина еден од најголемите таленти во тамошниот фудбал, на 19-годишна возраст.
Еден од најголемите италијански таленти Даниел Гуерини смртно настрада во сообраќајка која се случи во Рим. Младинскиот репрезентативец на Италија бил во возило „Смарт“, кое се удрило со Мерцедес управувано од 68-годишник.
Гуерини не бил сам во возилото. Внатре имало уште двајца, кои во моментов се во болница. Младиот италијански фудбалер беше член на Лацио, тим во кој пристигна пред два месеци од Торино.
Имаше настапи за младинските селекции каде ја носеше „десетката“ и во него се гледаше голем фудбалски потенцијал.
