Бабунски останува на кормилото на Вардар и следната сезона

722

Бобан Бабунски и следната година ќе биде предводник на Вардар откако двете страни се договорија за продолжување на соработката.

Бабунски кој го водеше Вардар во последните девет натпревари во шампионатот по заминувањето на Чеде Јаневски се договори со вицешампионот на Македонија за едногодишна соработка.

Во стручниот штаб на Бабунски ќе се приклучат Владимир Колев, Сашо Тодоровски и Раденко Бојовиќ, додека во таборот ќе останат и досегашниот асистент Александар Васковски, како и тренерот на голманите, Саша Илиќ.

Наскоро се очекува да се официјализираат и првите трансфери на фудбалери кои ќе го понесат товарот за следната сезона и ќе се обидат да ја вратат шампионската титула во Скопје.