Двајца мртви е епилогот од пукотниците кои утринава се случиле во скопската населба Топанско Поле, дознава „А1он“.
Од порталот наведуваат дека целата населба е затворена од страна на полициски екипи, а на лице место е излезен обвинител и се врши увид на местото на несреќата.
Според првичните неофицијални информации, настанот се случил околу 3 часот утринава, кога напаѓачите излегле од возило и со пиштол и со автоматска пушка ‘калашников’ пукале во две лица кои седеле во паркирано возило.
Засега се непознати причините и мотивот за убиството на двете лица.
Идентитетот на напаѓачите е непознат и тие се во бегство.
