Македонскиот интернационалец Адис Јаховиќ погоди за Анталијаспор во Турција и на својот тим му ја донесе посакуваната победа на домашен терен.
Анталијаспор славеше над Анкарагуџу (1-0), а Јаховиќ се запиша во листата на стрелците во судиското надополнување пред крајот на првиот дел. Центарфорот доби топка „со очи“ од германската легенда Лукас Подолски, излезе пред голот на противникот и биеше елегантно по земја.
- Голот на Адис Јаховиќ против Анкарагуџу:
#Podolski ‘ den #Jahovic ‘ e müthiş asist. #antalyaspor #ManOfTheMatch #goals pic.twitter.com/ecbWJfzOwN
— Bestgoals (@Bestgoals2) December 6, 2020
За Адис Јаховиќ ова беше втор сезонски погодок во турската Суперлига. Анталија со оваа победа ја прекина кризата од пет меча без триумф и ја запиша третата радост поради која е на дванаесеттото место во Суперлигата.
