Американскиот претседател, Доналд Трамп, се огласи по скандалот што го потресе неговиот мандат.
„Мојот единствен грев е што победив на избори на кои се очекуваше да победи расипаната Хилари Клинтон“, напиша Трамп на Твитер.
Колку за потсетување, поранешниот адвокат на Трамп, Мајкл Коен, се согласил со обвинителите и призна дека за време на кампањата за претседателските избори им платил пари на поранешни љубовниц на Трамп за да молчат за врските со него.
Конкретно, порно-актерката Сторми Даниелс добила 130 000, а плејбој девојката Карен Мекдугал 150 000 долари. Трамп тврди дека плаќањата биле легални, бидејќи парите биле негови, а не од кампањата.
„Парите не се земени од кампањата, тоа е најважната работа. Потекнуваат од мене и за тоа пишував и на Твитер“, изјави Трамп за „Фокс њуз“, додавајќи дека за реализацијата на исплатите дознал подоцна.
