Санто Стефано ди Сесанио мало село во областа Абруцо во јужна Италија се обидува да ги охрабри луѓето да се преселат и да работат таму. Договорот вклучува месечна плата за првите три години, до вредност од 8.000 евра годишно, пишува Си-Ен-Ен. Покрај тоа, оние кои ќе изберат да живеат и да започнат бизнис што ќе и помогне на локалната заедница, ќе добијат еднократен грант од 20 илјади евра.
Единствениот услов е дека апликантите мора да можат да станат италијански државјани и да бидат помлади од 40 години. Покрај тоа, тие треба да живеат таму најмалку пет години. Понудата не е иста со онаа за евро што се рекламира во Италија, вели градоначалникот Фабио Сантавика. “Ние не продаваме ништо на никого – ова не е деловен потег. Ние само сакаме да му овозможиме на селото да продолжи да живее”, рече тој за Си-Ен-Ен Травел.
